14.na hemen da

Aurten azkenekoz: URTE BERRI ON

Aspaldidanik ez zen hitz askorik txoko honetan, baina hona ere eguberri ukitu hori sartu nahian nator urte zaharrari agur esateko aukerari helduz. 2013ari ordu gutxi falta zaizkio gure bizitzatik urruntzeko, eta ez dakit zergatik, beno bai, askorentzako urte txarra izan bada ere, niretzako kristona izan da, beti sentimendu positiboekin oroituko dudan urtea.

Duela urtebete hiru egun falta zitzaizkidan nire bizitzan inoiz egin dudan bidaiarik berezienari ekiteko. Garai hartan urduritasuna zen ikusgai nire baitan. Gaur, nostalgiaz oroitzen dut hura. Tristura alde batetik, pasatakoa pasata geratzen delako, eta berriro bidaia hura bizitzeko ditudan aukerak nahiko difusoak direlako; baina poztasun handiz bidaia hartan ikasi, sentitu, sentiarazi, disfrutatu, sufritu, ezagutu, maitatu… funtsean bizi izan nuen guztia kristona izan zelako, eta nire bihotzean eramango dudalako eta daramadalako beti.

Bidaia hura ordea atzean geratu zen, eta ona etorri bezain pronto 6 hilabetez aparkatuta utzi nuen bizitza harri ekin nion berriro. Lehen egunak ez ziren xamurrak izan. Jet lag o nahi duzuena. Baina pixkanaka heldu eta nire bizitza berriro hona egokitzea lortu nuen. Eta ondo joan zen dena… hain ondo, non 2013a nire urterik onenetako bat bezala gordeko dudan. Lagunak beti bezain lagun, unibertsitateko kuadrilla beti bezain kuadrilla, familia gertu gertu, eta arlo pertsonalaren eraikuntza prozesuan murgilduta… ;D

Hurrengo urtea, niretzako garrantzitsua izango da. Unibertsitateko goxotasunetik irteteko urtea; arlo profesionalari serioki heltzeko unea; eta goiko guztia mantentzeko gai ote naizen erantzungo duen etapa. Baina etorri behar duena etorriko da. 2013aren azken orduak gozatu beharrean gara orain. Bati agur esan eta besteari heldu. Urtea azkar pasa da, urte bat zaharragoak gara guztiok, baina hemen gaude. Ondo amaitu urtea eta hobeto hasi datorrena. 2014an hor nahi zaittuet. Besarkada bat.

Gravity

Urte bat pasa da dagoneko. 365 egun munduko musika jaialdirik handienari berriro ere gogo biziz heltzeko. Ni ezagutzen nauen orok badaki aste honetan gehien maite dudan telebista saioa dela eta guztiz aztoratuta ibiliko naizela. Eurovision 2013 hemen baita. 

Aste oso bat, bi semifinal eder eta final izugarri bat bizitzeko. Badakit jendeak kursitzat hartzen nauela honi buruz jarduten dudanean, eta onartu behar dut, lehiaketa honen jarraitzaile sutsua naiz. Askori futbola bezala, niri hau.

Aurtengoan kanta eder ugari, oso onak batzuk, eta faborito argirik ez. Horrek sekulako bizia ematen dio jaialdiari. Asteartean lehen semifinala ospatuko da, Euskal Herriko 21:00etan, Monterreyn 14:00ak. Bertan izango da niretzako aurtengoan onena den kantua. Nahiz eta askok bere alde ez egin, seguru nago lehen bost klasifikatuen artean izango dela. 

Ostegunean beste hainbeste, eta larunbatean final handia. Bertan izango da Espainia. Aurtengoan El Sueño de Morfeo taldea da Espainiaren ordezkari. Zurekin amaierararte kantua daramate (Contigo hasta el final), taldearen ikutu zelta nabaria izango delarik. Ez dut uste postu onik lortuko dutenik, baina ordezkari onak direla argi dago.

Eta horixe, ildo horretan jada nire inguruko guztiak mugimenduan jarriak ditut eta jaialdia ikusteko jada antolatu du bazkari eder bat. Ea nire zaletasunaren zati bat helarazten diedan.

Atento eon beraz, ta disfrutatu.

Jon Mutuberria Alkorta