Udako egunak amaitzear daude, eta horrekin batera nire oporrak. Baino ez
nireak bakarrik, ez ez! Politikariak ere lanera itzuli dira, bai Espainia
mailan eta baita Euskal Herrian ere. Eta bietan bada zer garatu. Hasteko,
Espainiara joko dugu. Erreskatea bai ala ez? Raxoiek hori du buruan ni lerro
hauek idazten ari naizen bitartean. Erreskatea egon edo ez, gu jada ari gara
honek ekarriko lituzkeen ondorioak sumatzen. Guztia garestitu da BEZ-aren igoeraren
ondorioz, hezkuntzan eta osasunean murrizketak egon dira, farmako batzuk
gizarte segurantzaren dominioetatik at utzi dituzte… eta zerrenda luze bat
horrelaxe.
Erreskatea ordea, mahai gainean dago, baina ez erreskate global
modura beharrezkoa delako, baizik eta Europar batasunak, edo egia azaleratuz,
Alemaniak dirua uzteko Espainia bere dominioetara makurtzea nahi duelako.
Hasiera batean erreskateaz lehen aldiz hitz egin zenean, erreskate bigunaz hitz
egin zen. Honek finantza erakundeak erreskatatuko lituzke soilik, eta
biztanleek ez lukete erreskate hori ordainduko. Aldiz, dirua utzi behar duten
herrialdeak ez daude ados honekin, estatutik ez litzakeelako pasako diru hau
eta honek ez lukeelako itzuliko luketenaren segurtasuna emango. Hori dela eta,
erreskate osoaren ideia gailendu da. Eta askok pentsatuko duzue, erreskatea
zertarako? Diru gehiago lapurtzeko orain arte izandako lapurrek? Paradoxikoa
da.
Erreskateak ordea, merkatuak baretuko omen ditu. Merkatuak baretu
zertarako? Gaur egun Espainiak zorra du jaulkita, eta hori zati handi batean
bankuek dute erosita. Arrisku saria baretzeko egokia omen da erreskatea
eskatzea. Baina guztiek nahi al dute baretze hori? Bai zea! Eta nahi badute
tonto hutsak direlako. Gaur egun, gehien lapurtu dutenak urrezko ari dira
bihurtzen, arrisku sariak eta merkatuak orokorrean, zorra ordaindu beharreko interesak
kokatzen dituztelako, eta hau geroz eta gorago egon, gero eta gehiago irabazten
dute. Estatuak bankuak berfinantziatu eta honek berriro dirua eskatu, eta
gainera interesak ordaindu. Zer dirurekin berfinantzatu dira bankuak? Beste
sarrera baterako utziko dut hau, aurretik ulertu egin beharko nukeelako.
Erreskatatuta dauden lurraldeei erreparatuz, argi ikus daiteke Espainian
egin diren neurrien antzerakoak egin dituztela erreskate globala eskuratzeko.
Aldiz, Europako Banku Zentralak Espainiari dirua uzteko, neurri gehiago
eskatuko dizkio, oraindik jakiteke daudenak, eta gauzak horrela egonda,
balantza, gizon baten eskuetan dago kokaturik, berak esango duenaren zain.
Bi ikuspuntu ezberdin guztiz
Eta nire lagun eta ikaskide den Lander Arretxearen kronika bertatik bertara!
Erreskatea bai ala ez, eta horren aurrean independentzia bai ala ez? Galdera
gehitxo agian. Baina ez nuke gehiegi luzatu nahi eta duela gutxi gizon batek
esandako hitzak etorri zaizkit burura eta horiexek azaleratuko dizkizuet: “Independentzia?
Espainiagatiko independentzia? Gaur egun horrek bost axola, Merkelegandiko
independentzia eskatu beharko genuke”.
Zer iritzi duzue honen aurrean? Nirea, hurrengo sarreran.
Bittarten, txintxoak izan.
